Datorren apirilaren 4an, astelehenarekin, J.S. Bach-en Nekaldia San Mateoren arabera kontzertua eskainiko dute Il Giardellino Baroque Orchestrak, Vocalconsort Berlinek eta Easo Eskolaniak, Kursaal aretoan. Saiora joan nahi duten oriotarrek autobusa doan izango dute. Saioa 19:30ean hasiko da, eta Zumaiatik datorren autobusa 18:40an pasako da autobus-geltokitik.
Nork bere sarrera erosi behar du
Kontzertura joan nahi dutenek beren kasa erosi behar dute sarrera Kursaalaren webgunean.
Sarrera erositakoan, autobuseko tokia erreserbatu behar da, orioturismo@gmail.com helbidera idatzita ala 943 83 55 65 telefonora deituta.
Sarrerak hainbat preziotan erosi daitezke, tokiaren arabera.
Ordu Gaztea / Langabetuak
Langabetuek eta 30 urtetik beherakoek 3 euroan erosi ditzakete sarrerak. Horretarako, sarrera erreserbatu behar dute 943 83 55 65 telefonora deituta. Behin erreserba eginda, kontzertuaren egunean, Kursaaleko leihatilara jo behar dute eta adina (Ordu Gaztea) edo lan-egoera (langabetuak) egiaztatu ondoren, sarrera ordaindu. Lekua leihatilan erabilgarri dauden sarreren araberakoa izango da.
Autobuserako izena emateko azken eguna martxoaren 30a izango da.
Gutxienez 15 pertsonako talde bat ez bada osatzen, eskaintza bertan behera geratuko da (erositako sarreren dirua bueltatuko da, hori gertatuz gero).
