Udalbatzarrak ohiko bilkura egingo du ostegunean, irailak 26

Bilkura udalbatzarraren aretoan izango da, udaletxean, eta 19:30ean hasiko da. Gai hauek aztertuko dira:

1.- Irakurri eta onartzea, egoki bada, udalbatzarraren 2019ko uztailaren 4ko ezohiko bilkurako aktaren zirriborroa.

2.- Onartzea, egoki bada, Udal Aurrekontu Propioaren 5/2019 zenbakidun kreditua aldatzeko espedientea, kreditua transferitzeko modalitatean.

3.- Onartzea, egoki bada, Udal Aurrekontu Propioaren 6/2019 zenbakidun kreditua aldatzeko espedientea, kreditu gehigarrien modalitatean.

Udalbatzarraren bilkurak bideoan zuzenean ikusi ahal izango dira hemendik aurrera

Udalak erabaki du aurrerantzean bideoan grabatuko dituela udalbatzarrak, interesa dutenek etxetik ikusteko aukera izan dezaten, zuzenean, streaming bidez; ala ondoren, Udalaren webgunean.

Udalak aho batez hartu du erabaki hori.

Erlo Telebistan eta internetez

Horretarako, Udala harremanetan jarri da Urolako Komunikazio Taldea kooperatibarekin eta haren esku geratuko dira alderdi teknikoak: Erlo telebistako teknikariak etorriko dira udalbatzarrak grabatzera eta zuzenean emango dituzte, streaming jario baten bidez.

Etxean Erlo telebista sintonizatzen dutenek bertan ikusi ahal izango dute, eta, aukera hori ez dutenek, berriz, Udalaren webgunean (orio.eus) edo Karkara aldizkariarenean (karkara.eus) izango dute aukera.

Zaragueta eskolako ikasle eta irakasleak udaletxean izan dira, mugikortasuna hobetzeko neurriak eskatzen

Zaragueta eskolan mugikortasun jasangarriaren astea egiten ari dira, urtero bezala, eta, horren barruan, udaletxera jo dute gaur, irailak 18, beren gogoetak eta eskaerak alkateari planteatzera.

Anuska Esnal alkatea berekin bildu da udaletxearen atarian eta haien eskutik jaso du proposamena, aztertu eta kontuan hartzeko konpromisoa hartuz.

Mugikortasun jasangarriaren bidean

Gero eta gehiago dira eskolarako joan-etorria bizikletaz, patinetez edo oinez egiten duten ikasle eta irakasleak. Batetik, garraioak ingurumenean daukan inpaktuaz jabetzen direlako eta, bestetik, jarduera fisikoak onurak dakartzalako.

Joxe Etxeberria Iñarrak balea-arrantza irudikatzen duen tailla bat eman dio Udalari

Joxe Etxeberria oriotarrak zura lantzen eman du bere bizitza profesionala, Arin y Embil enpresan, eta bere kasa ere aritu da taillak eta egur-lanak egiten. Egin dituen lanen artean 80x40cm-ko tailla bat dago, balearen arrantza irudikatzen duena eta tailla hori Orioko Udalari eman dio dohaintzan, zurez egindako marko taillatu batekin batera.

Udalak, egindako dohaintza eskertzearekin batera, udalbatzarraren aretoan jarri du Joxe Etxeberriaren tailla, eta, horrekin batera, XVI. mendeko bi baleazale oriotarrek Ternuan idatzitako testamentuen lehen orriaren kopiak jarri ditu. Testamentu horiek Amerikan idatzitako dokumentu zaharrenetakoak dira eta Gipuzkoako Protokoloen Artxibo Historikoan jasota daude.

Argazkian Joxe Etxeberria eta Anuska Esnal alkatea ageri dira, Udalak Joxeri esker ona adierazteko egindako ekitalditxoan, dohaintzan emandako tailla atzean dutela.

Kultur etxearen atzeko plazaren zorua berrituko du Udalak

Obrak gaur hasiko dira, irailak 16, eta hiru bat aste iraungo dute. Argazkian ikusten den bezala, plazako lurzorua oso gaizki dago eta hura kendu eta berria jarriko du Udalak.

Obra egiten den bitartean, ezin izango da plaza erabili, baina jendearen pasaera errespetatuko dute langileek.

Bizikletak erretiratzeko deia

Obrak egiteko, plazako bizikleteroan dauden bizikletak erretiratzeko eskatzen du Udalak. Astearterako erretiratu ez direnak bertatik kendu eta jaso egingo ditu Udalak.

24.000 euroko kostua

Udalak erosi du zoruan jarriko den materiala eta 4.900 euro gastatu du horretan (BEZa barne). Lanak Uzkue Eraikuntzak enpresak egingo ditu eta 19.000 euroko kostua izango du. Guztira, beraz, 24.000 euro inguruko kostua izango dute lanek.

Barkatu eragozpenak

Enpresa-kudeaketa ikastaroa, pertsona ekintzaileei edota mikroenpresetako enpresariei bideratuta

Urola Kostako Udal Elkarteak abian jarritako ikastaroaren helburu nagusia hau da: eskualdeko ekintzaile nahiz enpresariengan beren ideia edota enpresei buruzko hausnarketa sustatzea eta erremintak eskaintzea kudeaketa-alorra hobetzeko.

Guztira, 20 orduko prestakuntza eskainiko da Urola Kostako Udal Elkartearen egoitza nagusian. Saioak irailaren 30etik urriaren 4ra bitartean izango dira; goizez, 09:30etik 13:30era. 4 orduko 5 saiotan antolatu da ikastaroa. Saio bakoitzean prestakuntza-modulu bat eskainiko denez, aukera izango da ikastaro osoa egiteko ala moduluka izena emateko.

Eskualdeko boluntarioak lortzeko deia egiten du Do re ni elkarteak, ‘Musika eta zahartze aktiboa’ ikerketarako

Xabier Lizaso oriotarra buru duen Do re ni elkarteak ikerketa zientifiko bat egin nahi du, gai hau aztertzeko: musikaren eragina zahartze osasungarrian eta zahartze aktiboan.

Eskualdeko 200 boluntario

Ikerketa hori egiteko, 55 urtetik gorako 200 boluntario behar ditu, Urola Kosta eskualdeko herrietakoak. Elkarteak dagoeneko bi bilera egin ditu Orion eta jende ugarik erakutsi du gaiarekiko interesa. Orain arteko azken bilera Orioko Salatxo aretoan egin zuen irailaren 10ean eta, argazkian ikusten denez, oso jendetsua izan zen.

Orion dagoeneko jende dezentek eman du izena boluntario izateko, baina orain epe bat zabaldu nahi dute, inguruko herrietakoak ere parte hartzera animatzeko.

Boluntario gisa izena eman nahi dutenek Orioko Udalera edo kultur etxera jo behar dute, eta fitxa bat bete. Izena emateko azken eguna irailaren 30a izango da.

Ikusi Bideoa

Xabier Lizaso DoNeMi

El plazo para matricularse en el euskaltegi AEK de Orio permanecerá abierto hasta el 25 de septiembre

Hay tres maneras de efectuar la matrícula:

  • Acudiendo personalmente al Euskaltegi de Orio, junto a la rotonda de Bikamiota (edificio KTA, calle Arrantzale). Los horarios de matrícula son los siguientes: lunes y miércoles, de 17:00 a 20:00. Martes y jueves, de 08:30 a 13:30.
  • Por correo electrónico, escribiendo a Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
  • Por teléfono, llamando al número 670 420 025 (Amaia Zaldua).

Euskaltegian izena emateko epea zabalik dago irailaren 25a arte

Irailaren hasieran ireki zen epea Orioko AEK euskaltegian izena emateko, eta irailaren 25ean itxiko da.

Hiru bide daude euskaltegian izena emateko:

  • Euskaltegira bertara jotzea, Bikamiotako errotondaren ondoan (KTA eraikina). Astelehen eta asteazkenetan hau da ordutegia: 17:00-20:00. Astearte eta ostegunetan, berriz, hau: 8:30-13:30.
  • Posta elektronikoz, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzita.
  • Telefonoz deituta, 670 420 025 zenbakira (Amaia Zaldua).

Irailaren 18ra arteko epea dago aurtengo HAZILAN proiektuan izena emateko

Parte-hartzaileek aukera izango dute eskualdeko enpresetan praktikak egiteko. HAZILAN proiektuaren helburuak bi dira: eskualdeko langabeak laneratzea eta lanean daudenei lan-aukerak hobetzen laguntzea.

Proiektuaren 8. deialdia

Urola Kostako Udal Elkarteak HAZILAN PROIEKTUAren zortzigarren deialdia egin du. Proiektuaren azken helburua langabeei laneratzen laguntzea edota lanean ari direnen lan-aukerak hobetzea denez, egitasmoa eskualdeko enpresa eta langabe edota lana hobetu nahi dutenei bideratuta dago. Orain arte, ibilbide emankorra izan du ekimenak Urola Kostan. Aurreko zazpi edizioetan, guztira, 109 pertsonak hartu dute parte eta hainbat gaitasun sozioprofesional landu ondoren, laneratzeko prozesuak egin dituzte 46 enpresatan (praktikak, prestakuntza lanpostuan...).

Ostiralean bukatuko da epea, Danbolin Musika Eskolan matrikulatzeko

Danbolin Musika Eskolaren 2019-20 ikasturtean matrikulatzeko epea zabalik dago eta ostiralean bukatuko da.

Ikasturtea irailaren 10ean hasiko da, asteartearekin. Musika Eskolan honako ikasketak egin daitezke:

1. MAILA (4, 5 eta 6 urtekoak)

  • Tailerra: 1., 2. eta 3. kurtsoak.

2. MAILA (7 urtetik aurrera)

  • Musika-mintzaira: prestakuntza, 1., 2., 3. eta 4. kurtsoak.
  • Euskal dantza eta instrumentu hauek: txistua, klarinetea, saxofoia, flauta, trikitixa, tronpeta, biolina, gitarra klasikoa, eskusoinua, pianoa, perkusioa, panderoa eta biolontxeloa.
    Instrumentuko plazak mugatuta daude.

3. MAILA (12 urtetik aurrera)

  • Ikasketa osagarriak: musika espezializatua.
  • Euskal dantza eta instrumentu hauek: txistua, klarinetea, saxofoia, flauta, trikitixa, tronpeta, biolina, kantua, gitarra klasikoa, gitarra elektrikoa, eskusoinua, pianoa, perkusioa, panderoa eta biolontxeloa.

MATRIKULATZEKO EPEAK

Irailaren 2tik 6ra bitartean, 10:00etatik 14:00etara eta 14:30etatik 19:00etara.

INFORMAZIO GEHIAGO

Izena emateko edo informazio gehiago jasotzeko, jo Musika Eskolara (943 833 727 telefonoa).

Larunbateko film proiekzioa eta igandeko musika kontzertua Herriko plazan izango dira.

Datorren abuztuaren 10ean larunbata hondartzan aurreikusirik zegoen Harpetarra filma Herriko Plazan proiektatuko da betiko ordu berean, gaueko 22:00etan hain zuzen ere, eguraldi txarra iragarrita baitago.

Arrazoi beragatik abuztuaren 11erako igandea ZIABOGA MUSIKA ZIKLOan programaturik genuen Sambastian taldearen kontzertua Herriko Plazan izango da 20:15etan, aurreikusia baino 45 minutu beranduago.

Barkatu eragozpenak.