Larunbat goizean egingo da Orioko udalbatzarra eratzeko bilkura

Udal-hauteskundeak eta gero, larunbat honetan, ekainak 15, egingo da udalbatzar berria eratzeko eta alkatea aukeratzeko bilkura.

Bilkura udalbatzarraren aretoan egingo da, 09:00etan eta honako hau da gai-zerrenda:

1.- Adin-mahaia eratzea.

2.- Udalbatzarra eratzea.

3.- Alkatea aukeratzea.

Kulturak eta sormenak eskualdean daukan eragin sozioekonomikoa neurtu nahi du Udal Elkarteak

Urola Kostako Udal Elkartea 2017an hasi zen eskualdeko Kultura eta Sormen Industrien (aurrerantzean KSI) sektorea suspertzeko lanean. Geroztik, hainbat jarduera abiatu ditu, sektorearen ikusgaitasuna areagotzeko eta sektorea saretu eta profesionalizatzeko asmoz.

Eragin sozioekonomikoa aztertu

Hiru urteko lanketaren ondoren, Udal Elkarteak neurtu egin nahi du KSI sektoreak eskualdean duen eragin sozioekonomikoa: zein neurritan laguntzen duen ekonomiaren sustapenean, zein eragin duen gizarte-kohesioan…

Irekita dago epea San Pedro eguneko Trikitilari Txapelketarako izena emateko

Dagoeneko irekita dago epea San Pedro eguneko Trikitilari Txapelketan izena emateko. Aurtengoa txapelketaren 10. edizioa da.

Txapelketa ekainaren 29an izango da Herriko Plazan, 12:30ean hasita eta bertan parte hartzeko aukera dute 22 urtetik beherako trikitilari gazte guztiek.

Txapelketaren finalean 6 bikotek parte hartuko dute (gehienez, 8 bikote izango dira). 8 bikote baino gehiago baldin badaude izena emanda, kanporaketa egingo da aldez aurretik. Kanporaketan fandango bat jo beharko da, eta fandango hori finalean ezin izango da errepikatu.

Aldaketak izango dira hondakinak biltzeko zerbitzuan, Zarauzko triatloia dela-eta

Aldaketak merkatari, ostalari eta zerbitzuen hondakin bilketari eragingo dio.

Zarauzko triatloia dela eta, datorren larunbatean, ekainak 8, Orioko merkatari, ostalari eta zerbitzuen hondakin organikoak ez dira ohiko ordutegian jasoko, baizik eta goizean, ordutegi honetan: 12:30etik aurrera.

Barkatu eragozpenak.

Ekainaren 14an izango da 'Ostiral Teknologikoak' ekimenaren barruko azken saioa

Martxoan hasi zen Urola Kostako Udal Elkarteak antolatutako OSTIRAL TEKNOLOGIKOAK ekimena. Azken saioa ekainaren 14an izango da eta dagoeneko zabalik dago izena emateko epea. Saioa doanekoa da eta, parte hartzeko, ez da teknologia-ezagutza berezirik behar.

Egitasmoaren helburua da eskualdeko ekintzaile, autonomo eta enpresa txikiek (10 langile baino gutxiagokoak; 25 langile baino gutxiagokoak industria arloko enpresen kasuan) teknologia berriak beren negozioetan txertatzea eta ahalik eta etekin handiena ateratzea.

Zarauzko triatloiak aldaketak eragingo ditu Orioko zirkulazioan datorren larunbat arratsaldean

Datorren larunbatean, ekainak 8, izango da Zarauzko triatloia eta horrek aldaketa batzuk eragingo ditu Orioko zirkulazioan 17:00etatik aurrera:

  • N-634 errepidea itxita egongo da Zarauztik Oriorako norabidean, 17:00 eta 18:45 bitartean.
  • GI-3161 errepidea itxita egongo da Ubegun Industrialgunetik Lokate baserriraino, 17:10 eta 19:00 bitartean.
  • GI-3710 errepidea itxita egongo Lokate baserri paretik Oriorako norabidean, 17:15 eta 19:15 bitartean.
  • Txurrukako bidea itxita egongo da, bi norabideetan, 17:30 eta 19:45 bitartean.

Eragozpenak ahalik eta txikienak izateko, antolatzaileek honako neurriak hartuko dituzte:

Hasi berri dira Benta bidea konpontzeko lanak

Benta bidea itxita dago zirkulaziorako 2018ko azaroaren bukaeran luizi handi bat gertatu zenetik.

Bidea konpontzeko, lehiaketa publikoa egin zuen Udalak eta Tesinsa enpresak irabazi du lehiaketa hori.

Benta bideko ezpondak berregiteko lanak 8 aste iraungo du eta 181.420 euroko kostua izango du, guztira.

San Martin bidea itxita izango da astelehen, astearte eta asteazkenean, farola berriak jartzeko lanak direla-eta

Udala San Martin bidean eguzki-farola berriak instalatzeko lanak egiten ari da egunotan eta, lan horiek direla-eta, Lizargateberritik San Martin ermitarainoko bidea itxiko du hiru egunetan, ekainaren 3tik 5era, biak barne. Farolen oinarriak jarri ditu Udalak aurreko egunetan eta orain farolak berak instalatu behar ditu.

Lanak astelehen goizean hasiko dira lehen orduan eta bidea itxita izango da geroztik. Bertako bizilagunek eta auzoan kokatutako zerbitzuen erabiltzaileek pasatzeko aukera izango dute; baina gainontzekoek itxita aurkituko dute bidea.

Udalak barkamena eskatzen die herritarrei, aldez aurretik, sortutako eragozpenengatik.

Beka bat sortu du UEMAk, udalerri euskaldunen garapena aztertzeko, ikerketa sustatzeko eta euskal soziolinguistikaren inguruko ezagutza areagotzeko

Iñaki Arregi beka sortu berri du Udalerri Euskaldunen Mankomunitateak (UEMA),  Eusko Jaurlaritzak babestuta. Bi lan sarituko ditu, bakoitza 5.000 eurorekin.

Udalerri euskaldunak garatzea da euskararen arnasguneei sendo eusteko modu eraginkorrena. Ondorio horretara heldu ziren iaz UEMA, Kontseilua, Udako Euskal Unibertsitatea eta Gaindegia. Orain udalerri euskaldunak garatzeko adibide praktikoak aztertu eta abiarazi nahi dituzte agintaldi berrian. Horretarako sortu du UEMAk Iñaki Arregiren omenezko beka.

5.000 euroko bi lan sarituko dira

Udalerri euskaldunak garatzeko proposamen zehatzak eta bideragarriak bildu nahi ditu Iñaki Arregi Bekaren lehen deialdiak. UEMAk sortu du beka, Eusko Jaurlaritzaren Hizkuntza Politikarako sailburuordetzaren babesarekin, eta Gipuzkoako Foru Aldundiarekin, Kontseiluarekin eta UEUrekin elkarlanean.

Udalak deialdia egin du, Gobernuz Kanpoko Erakundeei eta gizarte-zerbitzuen alorreko taldeei diru-laguntzak emateko

Gipuzkoako Aldizkari Ofizialean argitaratu da deialdia (101. zenbakia, 2019ko maiatzaren 30ekoa).

Bi eratako laguntzak emango ditu Udalak: batetik, Gobernuz Kanpoko Erakundeei, garapen-bidean dauden herrialdeetako biztanleen baldintza sozio-ekonomikoak hobetzeko jarduerak egiteko. Bestetik, gizarte-zerbitzuen alorrean lan egiten duten entitate edo erakundeei, beren egitasmo eta ekintza zehatzak finantzatzeko.

Ekintzaileentzako ikastaroa antolatu du Udal Elkarteak, mugikorrarekin sare sozialetarako argazkiak nola egin ikasteko

Urola Kostako Udal Elkartearen "EKITEN, ekintzaile eta enpresarien ekosistema" egitasmoaren barruan, beste ikastaro bat antolatu du Urola Kostako Udal Elkarteak ekintzaile edota enpresari txikientzat. Hau da ikastaroaren gaia: mugikorra erabilita, sare sozialetarako argazkiak ahalik eta modurik profesionalenean ateratzeko prestakuntza ematea.

Urola Kostako kultur sormenaren arloko 7 ekimen arrakastatsu aurkeztuko dira Irunen ostegunean

Urola Kostako Udal Elkarteak eta Bidasoa Bizirik Garapen Agentziak elkarlanean garatutako “Networking, Industria Sortzailea Bidasoa-Urola Kosta” ekimenaren baitan, Urola Kosta eskualdeko 7 ekimen arrakastatsu aurkeztuko dira maiatzaren 30ean Irungo Irun Factory gunean, 17:30ean hasita.

Eskualdeen arteko zubiak eraiki eta lankidetza nahiz parte-hartzeari helduta antolatu dira sortzaileen arteko topaketak. Ekimenaren helburua da lankidetzarako aukera berriak identifikatzea, sormen industrietako sektoreko enpresen iraunkortasuna bermatzeko eta lehiakortasuna hobetzeko. Ezagutzak partekatu eta sarean lanean (networking) jarri nahi dira Bidasoa Txingudi eta Urola Kostako sortzaile, artista, eragile eta sektoreko enpresak.