Noticias

Danbolin Musika Eskolako ikasleek entzunaldiak eskainiko dituzte

Musika eskolako instrumentuko ikasleek, 2. hiruhilekoan ikasi dutena erakusteko, entzunaldiak eskainiko dituzte. Ondorengo egunetan izango dira:

Euskarazko prestakuntza-saioak antolatu ditu berriz Urola Kostako Udal Elkarteak, enpresa txikiei bideratuta

Enpresa Euskaraz Handitzen ekimenaren baitan, eskualdeko enpresa txikiei bideratutako euskarazko prestakuntza-saioak antolatu zituen Urola Kostako Udal Elkarteak urtarrilean. Martxotik aurrera, bigarren deialdia zabalduko da. Berrikuntza bezala, ekintzaileei zuzendutako saio bereziak ere prestatu ditu.

Zorione Mendez oriotarrak bere marrazkiak ditu ikusgai kultur etxean

Zorione Mendez artista oriotarrak 'MARRAK' izeneko erakusketa zabaldu du Orioko kultur etxean eta bertan jarri ditu ikusgai azken urteotan egindako marrazkiak.

Erakusketa martxoaren 12an inauguratu zen kultur etxeko areto nagusian eta zabalik izango da apirilaren 12a arte.

Hau izango da erakusketaren ordutegia astelehenetik ostiralera bitartean: goizez 10:30etik 13:00etara eta arratsaldez 16:30etik 20:00etara.

Euskadiko musikari gazteen kontzertua izango da larunbatean

Martxoaren 22 eta 23an, ostirala eta larunbata, "Euskadiko musikari gazteen XIII. Lehiaketa" egingo da Gasteizen. Bertan parte hartuko duten musikari gazteak Orioko Kultur Etxean entzuteko aukera izango dugu martxoaren 16an, larunbatean. Ondoko obrak joko dituzte:

Enpresa kudeatzeko ikastaroa antolatu du Udal Elkarteak, ekintzaileei edota enpresa txikietako arduradunei bideratuta

Ikastaroaren helburu nagusia da ekintzaile nahiz enpresariek gogoeta egitea beren ideia edota enpresei buruza. Aldi berean, kudeaketa eraginkorragoa lortzeko erremintak eskainiko zaizkie parte hartzaileei.

Ikastaroaren ezaugarriak

Guztira, 20 orduko prestakuntza izango da eta Urola Kostako Udal Elkartearen egoitza nagusian emango da (Urdaneta bidea, 6, 20800 Zarautz). Saioak martxotik maiatzera bitartean egingo dira, asteazkenetan eta goizez, 09:30etik 13:30era.

4 orduko 5 saio izango dira, guztira. Saio bakoitzean prestakuntza-modulu bat eskainiko denez, ikastaro osoa egin nahi ez dutenek aukera izango dute moduluka izen emateko.

Hautesle-errolda ikusgai dago udaletxean, kontsultak egin eta erreklamazioak aurkezteko

2019ko apirilaren 28an egingo diren Diputatuen Biltzarrerako eta Senaturako hauteskundeak direla-eta, jendaurrean daude dagoeneko hautesleen zerrendak (bai Orion bizi direnena eta bai atzerrian bizi baina Orion erroldatuta daudenena).

Hautesle-zerrenda jendaurrean izango da udaletxeko bulegoetan martxoaren 11tik 18ra bitartean, biak barne, 8:30etik 14:30era, astelehenetik ostiralera.