Noticias

Goiko Kaletik San Martin ermitara doan bideko argiteria berritu du Udalak

Udalak berritu egin du inguru horretako argiteria publikoa eta, horretarako, eguzki-plakenbidez funtzionatzen duten 26 farola berri instalatu ditu, Lizargarateberri etxetik San Martin ermitaren pareraino.

Obra zibila Luxarbek egin du eta argien instalazioa, berriz, Loyola Norte enpresak. Instalatu diren farolak Ekiona enpresarenak dira.

67.000 euroko kostua

Lan horien kostua, guztira, 67.000 eurokoa izan da (BEZa barne) eta Udalak Eusko Jaurlaritzako Landa Garapenerako Sailaren 47.000 euroko dirulaguntza jaso du, farola berriak instalatzeko. Udalak, beraz, 20.000 euroko gastua izan du.

Astelehenean irekiko da Musika Eskolan izena emateko epea

Ekainaren 24an irekiko da epea Danbolin Musika Eskolan matrikulatzeko, 2019-20 ikasturterako.

Ikasturtea irailean hasiko da eta honako ikasketak egin litezke:

1. MAILA (4, 5 eta 6 urtekoak)

• Tailerra: 1., 2. eta 3. kurtsoak.

San Pedro jaietako programa

Hau da aurtengo San Pedro jaietako programa:

Ekainak 28, ostirala. San Pedro bezpera

10:30-13:00 Jubilatuen hamaiketakoa Zaharren Babeslekuan. 13:00etatik aurrera ez dira hamaiketako gehiago zerbitzatuko.

19:00 Pello eta Nikolasa erraldoiak kalejiran aterako dira kultur etxetik txistulariekin batera.

19:30 Festen hasierako txupinazoa udaletxeko balkoitik. Aurtengo omendua Txurrumuski elkartea izango da eta berak botako du etxafuegoa.
Parte-hartzaileak: Danbolin banda, Harribil dantza-taldea eta Salatxo abesbatza.

20:30 Danbolin Musika Eskolako bandaren kontzertua Herriko Plazan.

23:00 Gobernors eta Kenbat musika taldeen kontzertua Herriko Plazan.

Bisiguaren Festarako txartelak uztailaren 1ean jarriko dira salgai oriotarrentzat

Bisiguaren Festaren 12. edizioa egingo da aurten, uztailaren 12, 13 eta 14an. Aurreko urteetan ez bezala, aurten hiru eguneko festa izango da: ostirala, larunbata eta igandea. Osteguneko afaria, beraz, ez da egingo aurten.

Ohitura den bezala, Herriko Plazan egingo dira festaren oinarri diren lau otorduak.

Bizikleta-toki berriak jarri ditu Udalak hondartzako pasealekuan

Bizikletak lotzeko toki berriak Udal Elkarteko soldadura-eskolako ikasleek egin dituzte Zumaiako soldadura-tailerrean, Orioko Udalak materiala erosita.

Materialaren kostua 2400 eurokoa izan da eta, beraz, hori da bizikleta-toki berriak jartzeak eragin duen gastua, instalazioaz Udal Brigada arduratu da-eta.

Egun hauetan ibili dira brigadako langileak bizikleta-tokiak jartzen eta, argazkian ikusi daitekeen bezala, dagoeneko bukatu dute lana.

Danbolin Musika Eskolako ikasleek ikasturte bukaerako entzunaldiak eskainiko dituzte aste honetan

Entzunaldiotan ikasleek urtean zehar ikasitakoa erakusteko aukera izango dute. Astelehenetik ostiralera izango dira entzunaldiak. Guztiak arratsaldez egingo dira; eta gehienak, kultur etxean. Emanaldiak irekiak dira bertaratu nahi duten guztientzat.

Hauek da entzunaldien programa:

Ekainak 17, astelehena

17:00 Perkusio ikasleen entzunaldia, kultur etxean.

18:00 Txistu ikasleen entzunaldia, kultur etxean.

18:30 Eskusoinu eta flauta ikasleen entzunaldia, kultur etxean.