Noticias

Eskola-umeen aurtengo literatur lehiaketan lanak aurkezteko epea zabalik da dagoeneko

Aurtengoa lehiaketaren 34. edizioa izango da. Lanak aurkezteko epea martxoaren 18an bukatuko da eta interesatuek herriko bi ikastetxeetako zuzendaritzetan edo Udaleko Euskara Zerbitzuan aurkeztu ditzakete beren lanak.

LH 3tik hasi eta DBH4 bitarteko haur eta gaztetxoek har dezakete parte.

Erregeak Oriora datoz iluntzean

Gaur goizean Bizarzurik jasotako gutun-pila hartu ondoren, iluntzeko 19:00etan etorriko dira Oriora Meltxor, Gaspar eta Baltasar.

Moila ingurua argi dotoreekin apainduta dagoenez, erriotik barrena etortzea erabaki dute aurten Erregeek. Urte zaila da eta ezin izango dute urteroko kabalgata jendetsua egin, baina ez dute hutsik egingo eta Orion izango dira aurten ere.

Bizarzuri, Erregeen gutunak jasotzen

Bizarzurik kartero-lanak egiten ditu urtero Meltxor, Gaspar eta Baltasar erregeentzat eta gaur goizean Oriora etortzeko abisua jaso du, herriko haurren gutun pila dauzkalako jasotzeko pilotalekuan.

Haurreskolan izena emateko epea urtarrilaren 7an irekiko da, eta 13an itxi

Haurreskolan matrikulatzeko epea datorren ostegunean, urtarrilak 7, zabalduko da eta irekita egongo da urtarrilaren 13ra arte.

Matrikulatzeko, haurrak jaiota izan behar du.

Orain matrikulatzen diren haurrak martxotik aurrera hasiko dira haurreskolan.

Izena emateko ordutegia hau izango da: goizez, 11:30etik 14:30era.

Txurrumuski taldeko lagunek jasoko dituzte aurten Erregeen gutunak

Txurrumuski aisialdi-elkarteak ohar bat kaleratu du, haurrei azaltzeko bitartekari-lana egingo duela aurten, Erregeen gutunak jasotzeko. Honela dio Txurrumuskiren oharrak:

Hondakinen kudeaketa mankomunitatearen eskumena dela gogorarazten du Udalak

Egun hauetan kexak izan dira herritarren artean hondakinen bilketa dela-eta: abenduaren 25ean bilketarik egin ez zenez, hondakin ugari pilatu da hondakin-guneetan eta horrek kexak sortu ditu.

Horren aurrean Udalak gogorarazi nahi die herritarrei hondakinen bilketa ez duela Udalak kudeatzen, baizik-eta Urola Kostako Udal Elkarteak eta, beraz, kexak eta zerbitzua hobetzeko proposamenak hari bideratu behar zaizkiola: