Udalbatzarrak ohiko bilkura egingo du ostegunean, irailak 30

Bilkura udalbatzarraren aretoan egingo da, udaletxean. 19:30ean hasiko da, eta gai hauek aztertuko dira:

60 ikasletik gora izango dira aurten ere euskaltegian

Joan den ostiralean bukatu zen, berez, euskaltegian matrikulatzeko epea; baina aste honetan izena eman daiteke oraindik, eratu diren taldek osatu arte.

Txurrumuski aisialdi-taldeak deialdia egin die herriko gazteei, elkartean boluntario-lana egiteko

Interesa duten gazteekin bilera egingo dute asteartean, irailak 28, KTA eraikinean (Kosta tailerra), 19:30ean hasita.

Haurreskolan izena emateko epea urriaren 1etik 8ra bitartekoa izango da

Orioko Maria Maestra haurreskolan matrikulatzeko epea urriaren 1ean zabalduko da eta irekita egongo da urriaren 8ra arte.

Carlos Peñak 24 orduz egingo du igerian Orioko errioan, erizainen omenez

Arraun klubetik irtengo da urriaren 9ko eguerdian eta leku eta ordu berean itzuliko da hurrengo egunean.

TAO sistema berriaren inguruko bilera irekia herritarrekin

Hitzordua irailaren 23an izango da, arratsaldeko 19:00etan, Kultur Etxean.

Herriko Plazako obren azken fasea abian da

Gaurtik aurrera zenbait langile ikusiko ditugu Herriko Plaza berrian azken lanetan, egiteke dauden lanak amaitu eta hasitako beste hainbat zuzendu edo erramatatzeko asmoz.

Antxiola eta Iturbideren arteko errepidea moztuta egongo da bihar

Almirante Oa eta Antxiola kaleetan etxebizitzak eraikitzeko obren ondorioz egingo da mozketa.

Datorren ostiralean izango da azken eguna euskaltegian izena emateko

Datorren ostiralean, irailak 24, izango da azken eguna Orioko AEK euskaltegian izena emateko. Egun hauetan ari da jendea izena ematen eta dagoeneko aurreikusi daiteke taldeak izango direla goizez eta arratsaldez.

Hiru bide daude euskaltegian izena emateko:

  • Euskaltegira bertara jotzea, Bikamiotako errotondaren ondoan (KTA eraikina).
    • Astelehen eta asteazkenetan, 17:00-20:00.
    • Astearte eta ostegunetan, 8:30-13:30.
  • Posta elektronikoz, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzita.
  • Telefonoz deituta, 670 420 025 zenbakira (Amaia Olazabal).

Udaberrian eta udan 9.324 bisitari izan dira Orioko kanpinean, iaz baino % 55 gehiago

Jone Olaskoaga zuzendariak denboraldiaren balantze oso positiboa egin du eta sektorearen indarra azpimarratu du.

Berdintasunari buruzko galdetegia betetzeko epea luzatu du Udalak

Orioko Udalak emakume eta gizonen arteko berdintasun-plana idatzi nahi du aurten eta, horren barruan, galdetegi bat prestatu du, herritarren iritziak jasotzeko:

https://labur.eus/Orio2021

Atzo zen azken eguna galdetegiari erantzuteko; baina epea astebetez luzatzea erabaki du Udalak, erantzun gehiago jaso ahal izateko. Galdetegiari erantzuteko azken-azken eguna irailaren 22a izango da, beraz.

Kultura eta Sormen Industrien sektorea suspertzeko, prestakuntza eskaintza zabala irailetik azarora bitartean

Alde batetik, teknologia berriak jardun profesionalean txertatzeko bost prestakuntza-tailer eskainiko ditu Urola Kostako Udal Elkarteak. Bestetik, bestelako sektoreetan esku-hartzeak egiteko gaituko dira kultura eta sormen alorreko profesionalak.