Salatxo abesbatzak hiru kontzertu emango ditu Aiztondo eta Kantuz abesbatzekin batera

Salatxo, Aiztondo (Astigarraga) eta Kantuz (Hernani) abesbatzek Gabriel Fauré konpositore frantsesaren  'Requiem Op. 48' obra abestuko dute batera hiru kontzertutan.

Hernanin, larunbatean

Lehenbiziko kontzertua Hernaniko San Joan parrokian emango dute larunbat honetan, apirilak 13, 20:00etan. Bigarrena Orioko elizan izango da maiatzaren 11n, larunbatarekin baita ere, 19:30ean hasita; eta hirugarrena maiatzaren 25ean izango da Donostiako Alde Zaharreko San Bizente elizan, oraindik zehaztu gabeko orduan.

Datorren ostiralean pasatuko da Korrika Oriotik eta egun beteko programa antolatu du Korrika batzordeak

Datorren ostiralean, apirilak 12, pasatuko da Korrika Oriotik. Orioko Korrika batzordeak programa zabala antolatu du egun horretarako, goizean hasi eta gaua arte.

Korrika Txikia goizean

Korrika Txikia goizeko 11:00etan abiatuko da Bikamiotatik eta ibilbide bat egingo du herriko kaleetan barrena, bi eskoletako haurrekin. Bukaera Herriko Plazan emango zaio 12:00ak inguruan. Ahal duten guraso guztiak ere gonbidatuta daude parte hartzera. Lehenbizi ikasle zaharrenak abiatuko dira eta azken metroak bi ikastetxeetako txikienek egingo dituzte.

KORRIKA 13:45ean iritsiko da plazara

KORRIKA Zarauztik barrena etorriko da aurten eta 13:45ean du ordua Orioko plazara iristeko. Oriotarrek Xuai gainean hartuko diete lekukoa zarauztarrei eta Aginagaraino eramango dute, han Usurbildarrei emateko. KORRIKAk 10 kilometro egingo ditu Orion eta talde hauek eramango dute lekukoa:

Hautesle-errolda ikusgai dago udaletxean, kontsultak egin eta erreklamazioak aurkezteko

2019ko maiatzaren 26an egingo diren udal-hauteskundeak, Gipuzkoako Lurralde Historikoaren Batzar Nagusietarakoak eta Europar Parlamenturakoak direla-eta, jendaurrean daude dagoeneko hautesleen zerrendak (bai Orion bizi direnena eta bai atzerrian bizi baina Orion erroldatuta daudenena).

Danbolin musika-eskolako ikasle Iñaki Mendizabalek Txikijazz Big Band-ean parte hartuko du

Donostiako Jazzaldiak Txikijazz izeneko Big Band bat antolatuko du, 10 eta 14 urte arteko 50 gaztetxorekin. Javi Pérez eta Iban Gurrutxagak zuzenduko dute taldea.

Txikijazz taldeko kideak aukeratzeko probak egin zituzten martxoaren 23an, larunbatarekin, eta Iñaki Mendizabal Orioko ikasleak gainditu egin zituen proba horiek eta aukeratu egin dute, Big Bandeko kide izateko. Iñaki Mendizabalek tronpeta jotzen du.

Txikijazz Big Bandak kontzertua emango du Donostian uztailaren 27an, Jazzaldiko programaren barruan.

Urola Kostako eta Bidasoko sortzaileen arteko bi topaketa egingo dira, apirilean eta maiatzean

Kultura eta Sormen Industrien sektorea suspertzeko ahaleginean, eskualdez gaindiko ekimen berria abiarazi du Urola Kostako Udal Elkarteak. Sektorea saretzen jarraitu eta sormen industrien sektoreko eragileen arteko lankidetza indartzera dator ekimena.

Bidasoa Bizirik Garapen Agentziarekin elkarlanean garatu da Networking, Industria Sortzailea Bidasoa-Urola Kosta goiburu daraman ekimena. Ezagutzak partekatu eta sarean lanean (networking) jarri nahi dira Bidasoa Txingudi eta Urola Kostako sortzaile, artista, eragile eta sektoreko enpresak. Eskualde arteko zubiak eraiki eta lankidetza nahiz parte-hartzeari helduta antolatu dira sortzaileen arteko topaketak. Ekimenaren helburua da lankidetzarako aukera berriak identifikatzea, sormen industrietako sektoreko enpresen iraunkortasuna bermatu eta lehiakortasuna hobetzen lagungarri izango delakoan.

Errenta aitorpena euskaraz egiteko deia egin dute UEMAk eta Orioko Udalak

Urtero bezala, Orioko Udala eta UEMA kanpaina egiten ari dira elkarlanean, herritarrek errenta-aitorpena euskaraz egin dezaten bultzatzeko.

Kontuan hartuta herritarren gehiengo handi batek autolikidazio proposamena jasotzen duela gaur egun, horri eman nahi dio aurten garrantzia UEMAk. Autolikidazioa onartzerakoan (telefonoz deituta edo internet bidez), euskaraz nahi duzula esanez gero, hortik aurrera hala etorriko zaizkizu Ogasunarekiko komunikazioak zuk besterik erabaki arte. Bide hori bultzatu nahi du UEMAk eta kanpainarekin bat egin du Orioko Udalak.

Errenta-aitorpenaren kanpaina apiriletik ekainera bitartekoa izango da.

Urtez urte gehiago

Herritar gero eta gehiagok egiten du errenta-aitorpena euskaraz; baina, oraindik ere, askoz gehiago dira gaztelaniaz egiten dutenak. Udalaren asmoa da urtez urte datu horiek hobetzen joatea. Iazko kanpainan, esaterako, herritarren %27,2k egin zuen aitorpena euskaraz, azken urteotako daturik onena.

Enpresetan hizkuntzen kudeaketa hobetzeko ikastaroak antolatu ditu Udal Elkarteak ekintzaileentzat

“Ekiten, Ekintzaile eta Enpresarien Ekosistema” eta ‘Enpresa Euskaraz Handitzen’ egitasmoak uztartuz, ekintzaileei bideratutako euskarazko saioak prestatu ditu Urola Kostako Udal Elkarteak. Saio horietan eskualdeko ekintzaileek hizkuntzak hobeto kudeatzeko ezagutza teoriko-praktikoak bereganatuko dituzte.

Apirilaren 9an, euskaraz; eta 16an, gaztelaniaz

Bi saio egingo dira: apirilaren 9an, euskaraz, eta apirilaren 16an gaztelaniaz. Ordu eta erdiko saioak izango dira, 13:30etik 15:00etara.

Udal Elkarteak antolatu dituen saio hauen bidez, enpresa aurreratua izateko aukerak identifikatu, eta hizkuntzen kudeaketa hobetzeko erremintak erabiltzeko gaitasuna lortu ahal izango dute parte-hartzaileek.

Danbolin musika-eskolako bandak Villabonan joko du larunbatean

Musika-banden I. topaketa antolatu du Loatzo musika-eskolak Villabonan, eta Orioko bandako 40 kidek parte hartuko dute bertan.

Topaketa martxoaren 30ean izango da, larunbatarekin. Hiru musika-eskoletako bandek parte hartuko dute: Tolosako Eduardo Mokoroak, Anoeta eta Villabonako Loatzok eta Orioko Danbolinek.

Oriotik musika-bandako 40 ikasle joango dira topaketara, Olaia Askasibar zuzendariaren esanetara.

Korrika Kulturalaren programa zehaztu du Orioko Korrika batzordeak

Orioko Korrika batzordea urtarrilean hasi zen biltzen, aurtengo Korrikarekin lotutako jarduerak antolatzeko, eta azken bileran zehaztuta utzi zuen Korrika Kulturalaren aurtengo programa. Hau izango da:

MARTXOAK 28, OSTEGUNA

20:00 Olatz Salvador abeslariaren kontzertua kultur etxean. Sarrerak ahituta daude dagoeneko.

Sare sozialei buruzko ikastaroa antolatu du berriz Udal Elkarteak ekintzaile eta enpresari txikientzat

“Ekiten, Ekintzaile eta Enpresarien Ekosistema” egitasmoaren barruan Urola Kostako Udal Elkarteak ikastaro berri bat jarri du martxan, sare sozialei buruz. Urtarrilaren bukaeran antolatu zen ikastaroa aurreneko aldiz, eta oraingo hau, beraz, bigarrena izango da.

Ikastaroaren helburu nagusia da ekintzaile eta enpresariei sare sozialak modu profesionalagoan erabiltzen erakustea; betiere, marketin eta komunikazio-erreminta gisa ulertuta. Ikastaroan ikasiko dute nola iritsi bezero berriengana sare sozialen bitartez eta nola areagotu beren presentzia eta ikusgaitasuna sarean.

Udalak webgunea berritu du

Udalak bere webgunea berritu du egun hauetan. Webgune zaharra 2012an egindakoa zen eta dagoeneko agerian zituen hainbat aje eta hutsune, bai diseinu aldetik eta bai funtzionalitatearen aldetik.

Webgunearen diseinu berria argiagoa da, sinpleagoa, eta errazagoa da gauzak aurkitzea bertan. Aurrekoa bezala, Joomla plataformaren gainean eraikita dago; baina bertsio berriago bat erabiliz. Ondorioz, gestionatzeko errazago da eta praktikoagoa.

Udalbatzarrak ohiko bilkura egingo du asteartean, martxoak 26

Bilkura udalbatzarraren aretoan izango da, udaletxean, eta 19:30ean hasiko da. Gai hauek aztertuko dira:

1.- Irakurri eta onartzea, egoki bada, udalbatzarraren akta hauen zirriborroak: 2018ko abenduaren 27ko, 2019ko otsailaren 11ko eta 2019ko martxoaren 7ko ezohiko bilkuretakoak eta 2019ko urtarrilaren 29ko ohiko bilkurakoa.

2.- Adjudikatzea, egoki bada, honako kontzesio administratiboaren kontratazioa: Orioko Antilla hondartzako 3. zenbakidun eraikina okupatu eta bertan Udalak baimendutako ostalaritza-zerbitzuak emateko kontratua.